მშვიდობის, დემოკრატიის და განვითარების კავკასიური ინსტიტუტი ეხმიანება მსოფლიო კულტურული მრავალფეროვნების დღეს. ინსტიტუტი მიიჩნევს, რომ კულტურათა მრავალფეროვნება ქვეყნის სიმდიდრეა და ინტერკულტურილი ურთიერთობები საზოგადოების განვითარებისათვის აუცილებელი პირობაა. 2010 წელს კავკასიურმა ინსტიტუტმა მოამზადა ღონისძიების დიზაინი "კულტურული მრავალფეროვნების დღე სკოლაში" (პროექტი "უმცირესობათა ინტეგრაციისათვის გარემოს გაუმჯობესება საჯარო სკოლებში განათლების რეფორმის მხარდაჭერის გზით” EED, Germany).  
პირველი საპილოტე ღონისძიება ჩატარდება 2010 წლის 25 მაისს ქ. ბოლნისში. რაიონის რამდენიმე ქართულ და არაქართულენოვან სკოლებთან ერთად ღონისძიების ორგანიზატორია სკოლა "დავითიანი". აღნიშნული ღონისძიება დატვირთული იქნება მრავალფეროვანი საგანმანათლებლო და შემეცნებითი პროგრამით.

2010 წლის გაზაფხულზე მშვიდობის, დემოკრატიის  და განვითარების კავკასიური ინსტიტუტის პროექტის ფარგლებში "უმცირესობათა ინტეგრაციისათვის გარემოს გაუმჯობესება საჯარო სკოლებში განათლების რეფორმის მხარდაჭერის გზით”.”’ ჩატარდა კონკურსი ღონისძიების "კულტურული მრავალფეროვნების დღე სკოლაში" მეთოდოლოგიის შესამუშავებლად. 2010 წლის  იანვარში კომისიამ შეარჩია გამარჯვებული პროექტი. მის საფუძველზე მომზადებული ე.წ. მეგზური დაეხმარება მასწავლებლებს საინეტერსო და შემეცნებით გზით მოამზადონ ღონისძიება. ასევე აღნიშნული დღისათვის კონკურსის საფუძველზე შემუშვადა პოსტერის დიზაინი. "მასწავლებლის მეგზური”  და პოსტერი უფასოდ დაურიგდებათ სკოლებს. იხილიეთ გამარჯვებული პოსტერი: ავტორი რატი თორდია 

2008 წლის რუსეთ-საქართველოს აგვისტოს ომმა ყველაზე დიდი გავლენა სამხრეთ ოსეთის მომიჯნავე შიდა ქართლზე¹ იქონია, სადაც ძირითადი საომარი მოქმედებები მიმდინარეობდა. ომის შემდეგ ორი თვის განმავლობაში რეგიონის დიდი ნაწილი რუსეთის შენაერთების კონტროლის ქვეშ მყოფ ბუფერულ ზონას წარმოადგენდა. რეგიონში ისევ მწვავედ დგას უსაფრთხოების საკითხი; გაუარესებულია ეკონომიკური და სოციალური მდგომარეობა. 27 იანვარს  კავკასიურ ინსტიტუტში ჩატარებული დისკუსია მიეძღვნა შიდა ქართლში არსებული პრობლემების განხილვას. 

თურქულ-სომხური ურთიერთობების მოსალოდნელი დარეგულირება, შესაძლოა, უმნიშვნელოვანეს მოვლენად იქცეს სამხრეთ კავკასიის უსაფრთხოების სისტემაში საბჭოთა კავშირის დაშლის და მისი თანმხლები კონფლიქტების შემდეგ. მისმა შედეგებმა იქნებ 2008 წლის რუსეთ-საქართველოს ომიც კი დაჩრდილოს, რადგანაც ამ უკანასკნელს დიდი ცვლილებები არ მოუტანია რეგიონულ დაპირისპირებებსა და ალიანსებში.  ქართველ ექსპერტებს შორის გავრცელებულია აზრი, რომ თურქულ-სომხური ურთიერთობების დარეგულირებამ შეიძლება შელახოს საქართველოს როგორც ეკონომიკური, ისე სახელმწიფო-უსაფრთხოებითი ინტერესები. ამ საკითხების განსახილველად კავკასიურ ინსტიტუტში 2010 წლის 20 იანვარს ჩატარდა დისკუსია.

2009 წლის 22 დეკემბერს თბილისში ჩატარდა საერთაშორისო კონფერენცია - კულტურათა დიალოგი სამოქალაქო ცნობიერების ამაღლებისთვის შავი ზღვის რეგიონში. ინტერკულტურული განათლების რელიგიური განზომილება. კონფერენცია მომზადდა კავკასიური ინსტიტუტის (CIPDD) და კონრად ადეანაუერის ფონდის (KAS) თაოსნობით.

16 ნოემბერს საქართველოს სახალხო დამცველთან არსებულმა რელიგიათა საბჭომ ტოლერანტობის ქომაგის წოდება მიანიჭა კავკასიურ ინსტიტუტს საქართველოში ტოლერანტობის კულტურის განვითარებაში შეტანილი გამორჩეული წვლილისთვის.

კავკასიური ინსტიტუტის ახალი ინიციატივის ფარგლებში, ინსტიტუტის ვებ-გვერდზე: http://www.cipdd.org შეიქმნა საქართველოში მოქმედი სამოქალაქო საზოგადოების ორგანიზაციების online მონაცემთა ბაზა. ბაზის საძიებო სისტემა საქართველოში მოქმედი არასამთავრობო ორგანიზაციების რეგიონისა და თემატური სფეროს მიხედვით ძებნის საშუალებას იძლევა.